Girnilegur geitaostur með hnetum og hunangi
Uppruni
Þessi uppskrift er heimatilbúin.
Forvinna
Niðurskorið sólarhringsbrauð – þarf að vera til í frystinum eða að lagt hafi verið í það daginn áður.
Hráefni
- 1 stk sólarhringsbrauð
- Ein rúlla geitaostur
- Hunang
- Valhnetur eða pekanhnetur
- Smá skraut
Verklýsing
- Ofninn hitaður í 180°C
- Niðurskorið sólarhringsbrauð er sett í ofnskúffu
- Geitaostur sneiddur niður og skorinn til helminga
- Helmingur settur á hverja brauðsneið
- Valhneta sett ofan á og hunangi dreift yfir
- Sett í ofninn í 5 -10 mínútur – tekið út þegar osturinn hefur tekið smá lit
- Fallegt að setja á skreytt fat – til dæmis með klettasalati eða spírum
