Rækjur með mangósalsa og hindberjasósu
Uppruni
Þessi uppskrift er heimatilbúin. Hlutföllin í uppskriftinni eru svolítið frjáls.
Forvinna
Þetta er hægt að gera fyrr um daginn og geyma í ísskáp. Ef setja á í lítil glös er hægt að gera það nokkru áður.
Hráefni
- U.þ.b. 450 g rækjur (best að afþíða rækjur daginn áður í ísskáp – hafa þær í sigti í skál)
Salsa
- 3 – 4 msk mangó
- ½ ferskt chili – nokkur fræ með
- 1 tsk olía
- 4 msk kóríander
- ½ avókado
- 1 tsk sítrónusafi
- Pipar
Sósa
- U.þ.b. 100 g rjómaostur
- ½ – 1 dl frosin hindber
- Nokkrir dropar sítrónusafi
- Aðeins af hunangi eða engifersíróp
Verklýsing
Salsa
- Mangó, chili, avókado og kóriander skorið smátt og blandað saman
- Olíu og sítrónusafa bætt við ásamt pipar
Sósa og samsetning
- Frosin hindber sett í pott, hitað að suðu og kælt. Fræin sigtuð frá og hindberjasafinn notaður í sósuna (upplagt að leggja aðeins til hliðar til að skreyta)
- Rjómaostur hrærður hrærður saman við hindberjasósuna ásamt sítrónusafa og sætu (hunang eða engifersíróp) – hrært saman við
- Rækjur settar á fat eða í litlar skálar – salsa sett ofan á og loks sósan. Fallegt að láta nokkra dropa af hindberjasafanum efst og punta með koríanderlaufum í lokin
Geymsla
Þetta á að geyma í kæli.
