Hönnupottar

Matseld í einstökum potti

Upphaflega notaði ég leirpottana eingöngu við brauðbakstur og kallaði þá brauðpotta. Með tímanum hafa þeir tekið breytingum og notkunamöguleikar þeirra aukist en hægt er að elda ýmsar kræsingar í pottunum góðu.

Hugmyndin er að hver pottur eigi að sóma sér vel uppi á hillu en um leið að þjóna tilgangi í matargerð. Hver pottur er einstakur þar sem hann er að öllu leyti handrenndur og því geta tveir pottar aldrei orðið alveg eins. Pottana má flokka í þrennt en stærri pottarnir eru tilvaldir til brauðbaksturs og í matreiðslu eins og t.d. elda heilan kjúkling eða úrbeinað lambalæri.

Pottastærð

Litlir pottalingar með þremur hnúðum (þvermál 12 – 19 cm)

Pottur með þremur – fjórum hnúðum á lokinu (þvermál 22 – 24 cm)

Pottur með þremur hnúðum (þvermál 25 – 27 cm)

Pottlok með þremur – fjórum hnúðum má einnig nota sem skál

Eldað með loki

Uppgufun er lítil sem engin og rétturinn eldast í eigin raka. Kjötið verður safaríkara og á það sérstaklega við þegar eldaður er heill kjúklingur

Bakað í potti

Potturinn er látinn hitna með ofninum. Deigið sett í heitan pottinn og bakast því á hærri hita. Brauðið nær að lyftast betur og heldur fallegri lögun. Ath. Það má snúa pottinum á hvolf og elda í lokinu og nota neðri helminginn sem lok

Eldað án loks

Potturinn er eins og eldfast mót

Bakað eða eldað í lokinu

Upplagt að snúa pottinum á hvolf og baka eða elda í lokinu

Pottalingar

Þeir henta vel fyrir ýmsa smárétti og lítil brauð. Einnig er gaman að framreiða í þeim

Pottarnir eru tilvaldir fyrir m.a.

Brauðbakstur
Fiskrétti
Grænmetisrétti og ofnbakað grænmeti
Heilan kjúkling og úrbeina lambalæri
Hægeldun
Heita eftirrétti
Ostakökur
Framleiðslu – heldur matnum vel heitum

Uppskriftir fyrir pottana má finna hér

VERÐSKRÁ

Matar- og brauðpottar

Pottarnir eru mismunandi að stærð og lögun. Það sama má segia um fjölda hnúða. Hnúðafjöldi á lokinu er oftast 3 en stundum 4 talsins. Neðri hlutinn er ýmist enginn hnúður, einn eða tveir.

Pottur nr. 1: 22 – 24 cm að þvermáli – án handfangs á neðri hluta 40.000 kr

Pottur nr. 2: 22 – 24 cm að þvermáli – eitt handfang á neðri hluta 42.000 kr

Pottur nr. 3: 25 – 27 cm að þvermáli – tvö handföng á neðri hluta 45.000 kr

Pottur nr. 4: 25 – 27 cm að þvermáli – 3 – 4 hnúðar á loki og 1 – 2 handföng á neðri hluta 48.000 kr

Pottalingar

Litlir pottar til að bera fram í eða til að nota til að hita litla osta eða smærri heita rétti.

Pottur nr. 1: 12 – 13 cm að þvermáli – án handfangs á neðri hluta 16.000 kr

Pottur nr. 2: 14 – 15 cm að þvermáli – án handfangs á neðri hluta 17.000 kr

Pottur nr. 3: Stærri en 15cm að þvermáli – án handfangs á neðri hluta 18.000 kr

Frekari upplýsingar og hugmyndir um matseld í pottunum má finna á hönnupottar.is

Ég rek Gallerí Hólshraun en það er svo gaman að geta tengt saman mataráhugann og keramikið.

Hægt er að fylgjast með á instagraminu @honnupottar