Karrýfiskur - einfaldur og góður
Uppruni
Þessi uppskrift er mjög barnvæn og er hún ofarlega á vinsældarlistanum þegar fiskur er í matinn. Uppskriftin kemur úr fyrstu bókinni ,,Af bestu lyst“ en hún hefur eitthvað aðlagaðst heimilisfólkinu.
Hráefni
- 400 g ýsuflök – roðlaus og beinhreinsuð
- Rúmlega 3 dl soðin hrísgrjón
- 2,5 dl súrmjólk eða Ab-mjólk
- 4 msk majónes
- 2 tsk karrý
- Salt og pipar
- 4 msk rifinn ostur
Verklýsing
- Ofninn hitaður í 180°C
- Hrísgrjón soðin – nema þau leynist í ísskápnum
- Súrmjólk, majónes og karrý hrært saman í skál
- Fiskurinn skorinn í litla bita
- Hrísgrjón sett í eldfast mót og fiskbitunum raðað ofan á – piprað og salti stráð yfir
- Sósunni hellt ofan á og rifnum ofsti dreift jafnt yfir
- Bakað í ofni í 15 – 20 mínútur
Meðlæti
Borið fram með salati.
