Rauðrófusúpa/rauðbeðusúpa
Uppruni
Þessa uppskrift fékk ég hjá Láru vinkonu minni.
Forvinna
Það má alveg baka rauðrófurnar eitthvað áður og einnig laga súpuna sjálfa fyrr um daginn eða daginn áður.
Hráefni
- 1 msk ólífuolía
- 1 rauðlaukur – saxaður
- 1½ tsk cummin
- 300 -350 g rauðrófur – bakaðar
- ½ lítri kjúklingasoð eða grænmetissoð
- 1 dós kókosmjólk
- 1½-2 msk rifið engifer
- ½ grænt chili eða örlítið af rauðu currypaste – á hnífsoddi
- 2 hvítlauksgeirar – pressaðir
- Salt og pipar
- Limesafi
Verklýsing
- Rauðrófurnar settar inn í 200°C heitan ofn og bakaðar í 1 klukkustund
- Olía, hvítlaukur, laukur og cummin sett í pott og hitað á vægum hita
- Rauðrófurnar afhýddar og settar í blandara ásamt kjúklingasoði, rifnum engifer, currypaste og blöndunni í pottinum – allt mixað. Einnig má nota töfrasprota
- Allt sett í pottinn ásamt kókosmjólk og hitað á meðalhita í 10 -15 mínútur
- Smakkað til með pipar, salti og limesafa
Meðlæti
Nýbakað brauð.
Geymsla
Súpan geymist vel bæði í kæli og frysti.