Amerískar pönnukökur - þær allra bestu
Uppruni
Sú hefð hefur skapast að amerískar pönnukökur eru hafðar á morgunverðarborðinu þegar einhver í fjölskyldunni á afmæli. Þessa uppskrift fann Heba, dóttir mín, á netinu og þykir hún best. Að vísu er búið að breyta henni aðeins.
Forvinna
Deigið er vel hægt að gera daginn áður og geyma í kæli.
Hráefni
- 5 dl hveiti
- 3 tsk lyftiduft
- 1,5 msk sykur
- 1/2 tsk salt
- 5 – 6 dl mjólk
- 1 egg
- 3 msk (u.þ.b. 40 g) brætt smjör
- 1 tsk vanilludropar
Verklýsing
- Hveiti, lyftiduft, sykur og salt sett í skál – gott að sigta hveitið og lyftiduftið saman
- Mjólk bætt við og hrært vel saman
- Eggi bætt við og hrært vel þar til blandan er orðin kekkjalaus
- Smjör brætt
- Bætið smjörinu og vanilludropum saman við og hrærið vel
- Gott að láta deigið aðeins jafna sig áður en pönnukökurnar eru bakaðar
- Berið olíu á pönnuna og bakið pönnukökurnar á meðalhilta. Það er smekksatriði hversu dökkar þær eiga að vera
Meðlæti
Smjör, hlynsíróp (maple syrup), ostur, sykur, ferskir niðurskornir ávextir eins og jarðarber o.s.frv.
Geymsla
Deigið má geyma í kæli. Pönnukökurnar eru fínar daginn eftir en bestar eru þær nýbakaðar.
