Heit súkkulaðisósa
Uppruni
Þetta er sósa sem mamma hefur gert í áratugi og er hún alltaf jafn vinsæl með ís.
Hráefni
- 100 g suðusúkkulaði
- 1 dl matreiðslurjómi / rjómi
- 1 tsk hunang
Verklýsing
- Vatn sett í pott, skál sett ofan á pottinn og vatnið hitað. Varist að láta vatnið bullsjóða þar sem það getur skvetst í skálina og skemmt sósuna.
- Suðusúkkulaði brotið í bita og sett í skálina – látið bráðna
- Rjóma hrært saman við
- Hunangi bætt við
Meðlæti
Ís og ávextir.
Sósan er góð með ís og ávöxtum – ef til er marengs má mylja aðeins af honum yfir. Hnetumylsna eða krókantmylsna er mjög gott að dreifa yfir
Sósan er líka góð ofan á tertu
Upplagt að geyma súkkulaðisósuna í krukku í kæli – þannig geymist hún lengur og svo er upplagt að velgja hana í ofninum/örbylgjuofninum
