Sígildar muffins
Uppruni
Í gegnum tíðina hafa börnin bakað muffins og þá kemur bara ein uppskrift til greina. Hana er að finna í 40 ára gamalli kokkabók heimilisföðurins: Matreiðslubókin mín og Mikka. Uppskriftin er auðveld og alveg tilvalið að leyfa krökkum að spreyta sig á henni. Muffurnar eru góðar einar og sér en einnig má skreyta þær með smjörkremi.
Hráefni
- 50 g smjör – brætt
- 1 dl sykur
- 1 egg
- 3 dl hveiti
- 2 tsk lyftiduft
- 1 dl mjólk
- 1 tsk vanilludropar
- 12 – 14 pappírsmót/muffinsform
- U.þ.b. 40 g súkkulaði, dökkt eða ljóst
Verklýsing
- Ofninn hitaður í 175°C (yfir- og undirhiti)
- Sykur og smjör hrært saman. Eggi bætt við – hrært
- Mjólk og vanilludropum blandað saman við – hrært
- Hveiti og lyftidufti (sigtað) bætt við – blandað saman með sleikju
- Deigið sett í pappírsmót eða í muffinsform – hvert form fyllt til hálfs
- Bakað neðarlega í ofni í 15 mínútur
- Muffurnar látnar kólna ef smjörkrem er sett á
