Súpereinfalt smjörkrem
Uppruni
Það er seint hægt að segja að smjörkrem sé mitt uppáhald. Mér finnst það yfirleitt alltof sætt en hef samt skilning á að hægt sé að punta kökur með því. Ég er ein um þessa skoðun á heimilinu – börnunum mínum þykir flott og gott að skreyta kökur með smörkremi. Þessi uppskrift kemur frá mömmu og er hún bæði einföld og góð. Hún passar vel á einfalda uppskrift af muffins
Hráefni
- 100 g smjör – mjúkt
- 2 dl flórsykur
- Vanilludropar/vanilluessen
- 1 eggjarauða
- Matarlitur – má sleppa
Verklýsing
- Smjör og flórsykur þeytt vel saman – ágætt að nota sleikju til að safna öllu saman 1 – 2 sinnum svo að blandan nái að þeytast vel saman og verði loftkennd
- Vanilludropum bætt við og þeytt. Eggjarauðan sett út í og þeytt áfram
- Ef nota á matarlit er honum bætt við í lokin
