Rifsberjakjúlli í potti

Rifsberjakjúklingur - einfaldur og góður

Servings: fyrir 6
Time: 1 klukkustund
Difficulty: auðvelt
Print

Uppruni

Þessi uppskrift kemur úr uppskriftasafni mömmu og er á síðunni undir Rifsberjakjúklingur en hér er hann í annarri útgáfu og nú matreiddur í Hönnupotti. Kjúklingurinn er eldaður í ofninum að mestu í neðri hluta pottsins en síðan er hann tekinn út og sósan útbúin í heitu pottlokinu. Lokaeldunin fer svo fram í lokinu og þá er neðri hlutinn orðinn að loki. Skemmtileg og góð tilbreyting á eldamennsku en eins og Drífa dóttir mín hafði að orði … mikið fannst mér skemmtilegt að elda þennan rétt.

Hráefni

1 bakki úrbeinuð kjúklingalæri
Krydd eins og t.d. hvítlaukskrydd eða sítrónupipar
1 msk sinnepsfræ
20 – 40 g smjör
2 – 3 pressuð hvítlauksrif
½ dl hvítvín (eða 1 msk sítrónusafi + 2 msk vatn)
½ msk kjúklingakraftur eða 1 kjúklingateningur
2 tsk franskt sinnep
1 tsk rósmarín eða 1 msk ferskt
2 msk rifsberjahlaup
2 tsk sojasósa
2 – 2½ dl matreiðslurjómi eða rjómi
1 dl rifsber (fersk eða frosin)
Salt og pipar

Verklýsing

Ofninn hitaður í 180°C (blástur)
Kjúklingalærin krydduð og sett í Hönnupott. Sinnepsfræjum dreift yfir og lokið sett á pottinn og eldað í ofninum í 30 mínútur
Á meðan er hráefni fyrir sósuna gert tilbúið. Þegar 30 mínútur eru liðnar er potturinn tekinn úr ofninum lokið tekið af og sett á borðið (sem skál)
Smjörið sett í heitt lokið ásamt hvítlauknum. Þar næst er afgangi af hráefnunum í sósuna blandað saman við. Nú er kjúklingurinn færður í lokið ásamt soðinu, sem hefur myndast, og þegar skálin er tóm er hún sett ofan á. Nú er sem sagt neðri hlutinn notaður sem lok og potturinn settur aftur inn í ofn í 15 mínútur
Rifsberjum stráð yfir þegar potturinn er tekinn úr ofninum. Fallegt að skreyta með fersku rósmaríni

Meðlæti

Borið fram með hrísgrjónum og glás af fersku salati.