Rifsberjakjúklingur - einfaldur og góður
Uppruni
Þessi uppskrift kemur úr uppskriftasafni mömmu. Upplagt að eiga lausfryst rifsber í frysti og nota í þennan rétt.
Hráefni
- 4-5 kjúklingabringur
- Smjör til steikingar
- 2 pressuð hvítlauksrif
- ½ dl hvítvín (eða 1 msk sítrónusafi + 2 msk vatn)
- ½ msk kjúklingakraftur eða 1½ msk kjúklingafond – fljótandi
- 2 tsk franskt sinnep
- 1 tsk rosmarín
- 3 msk rifsberjahlaup
- 2 tsk sojasósa
- 2½ dl matreiðslurjómi
- 1 dl rifsber
- Salt og pipar
Verklýsing
- Kjúklingabringur skornar í bita, steiktar í smjöri og lagðar til hliðar
- Hvítlaukurinn brúnaður lítillega í smjöri – öllu hráefni nema rifsberjum blandað saman við
- Kjúklingabitum bætt við og látið malla í 10 mínútur
- Í lokin er rifsberjum stráð yfir rétt áður en rétturinn er borinn fram
Meðlæti
Borið fram með hrísgrjónum, salati og brauði.
Gott að eiga ber í frysti
