Geggjað gott rauðrófu carpaccio

Verklýsing

Rauðrófur

1. Ofninn hitaður í 180°C (blástur)
2. Rauðrófur flysjaðar og settar í Hönnupott eða annað lokað ílát sem þolir að fara í ofn. Salti stráð yfir og bakað í 50 – 60 mínútur eða þar til rauðrófurnar eru bakaðar í gegn.  Bökunartíminn fer svolítið eftir stærð þeirra en ágætt að stinga prjóni í gegn til að kanna hvort þær séu tilbúnar.  ATH. Það er betra að hafa þær aðeins minna en meira bakaðar. Þær verða skornar mjög þunnt og betra að skera þær þannig. Ef pottur er ekki til má vefja rauðrófunum inn í álpappír en passa að loka vel þar sem vökvi getur lekið úr  þeim þegar þær eru bakaðar þannig
3. Rauðrófurnar teknar út og látnar kólna (stofuhita).  Ef þær eru eldaðar daginn áður og geymdar í kæli yfir nótt er gott að taka þær tímanlega út svo þær nái stofuhita

Gljái

1. Hráefni sett í pott og hitað að suðu – soðið þar til blandan hefur rýrnað um helming og orðin þykkri
2. Gjáinn látinn kólna

Salatdressing

1. Dijon, salti, olíu og ediki blandað saman í skál – gott að nota písk

Geitaostasósa

1. Geitaostur og hunang sett í skál og hrært saman með písk. Aðeins saltað
2. Sósuna má setja í rjómasprautu (eða nota bara skeið til að dreifa yfir)

Samsetning

1. Furuhnetur ristaðar á pönnu – þar til kemur fallegur litur. Lagðar til hliðar
2. Rauðrófur skornar niður í örþunnar sneiðar – mikilvægt að þær séu mjög þunnar. Gott að nota niðurskurðartæki (eins og Mandolín) svo að þær séu sem þynnstar og allar jafn þunnar
3. Sneiðunum raðað fallega á disk og gljáanum penslað yfir
4. Doppur af geitaosti settar með skeið eða sprautað yfir hér og þar
5. Salatdressingu blandað saman við klettasalatið og dreift yfir
6. Nokkrum dropum af góðri ólífuolíu dreift aðeins yfir hér og þar
7. Ristuðum furuhnetum stráð yfir og að lokum niðurrifnum parmesanosti