Rabarbarapæ með vanillu
Uppruni
Þegar rabarbarauppskeran er í hámarki er upplagt að skella í eitt rabarbarapæ. Ég nota Hönnupottinn en það má nota form (u.þ.b. 23 cm í þvermál) eða eldfast mót.
Hráefni
Botn
- 140 g kex eins og t.d. Digestive
- 40 g smjör
Fylling
- 2 msk sykur
- 2 tsk vanillusykur
- 1 tsk kardimomma
- ½ tsk engifer
- 7½ dl rabarbari – skorinn í þunnar sneiðar
Vanillukrem
- 3 dl rjómi
- 1 vanillustöng
- 2 msk sykur
- 1 tsk vanillusykur
- 3 egg
Verklýsing
Botn
- Ofninn hitaður í 175°C (blásturstilling)
- Smjör brætt í potti
- Kexið mulið í morteli eða matvinnsluvél og bræddu smjöri blandað saman við þar til blandan verður slétt
- Mulningurinn settur í u.þ.b 23 cm form eða Hönnupott með svipað þvermál
Fylling
- Rabarbarinn skorinn í sneiðar og honum blandað saman við sykur, vanillusykur, engifer og kardimommu. Dreift yfir kexmulninginn og sett inn í ofn á meðan kremið er búið til eða í u.þ.b. 15 mínútur
Krem
- Vanillustöngin fræhreinsuð
- Rjómi, sykur, vanilustöng og fræin sett í pott og suðan látin koma upp
- Potturinn tekinn af hellunni og vanillustöngin tekin upp úr. Eggjunum bætt við – pískað saman
Samsetning
- Potturinn tekinn úr ofninum og kreminu hellt yfir. Bakað í 25 – 30 mínútur í viðbót. Pæið látið kólna
- Flórsykur sigtaður yfir og borið fram með þeyttum rjóma eða vanilluís
Botn
Fylling
Vanillukrem í vinnslu..
Vanillustöng fræhreinsuð, fræin og vanillustöngin sett í rjómablönduna… suðan látin koma upp
Vanillustöng tekin upp úr og hreinsuð ennþá betur – eggjum hrært saman við
Eftir að hafa verið í ofninum í fyrra skipti
Fyrir og eftir að hafa verið í ofninum í seinna skiptið
