Auðvelt og gott remúlaði
Uppruni
Mikið af þeim tilbúnu sósum, sem hægt er að kaupa úti í búð, má mjög auðveldlega búa til heima. Þá vitum við hvað í þeim er og þær geymast margar hverjar mjög vel í kæli. Ein af þessum sósum er remúlaði. Margir eiga kannski ekki kapers en það má nota í ýmsa matargerð eins og t.d. kjöt- og fiskrétti og einnig í salat…. það sama má segja um relish. Svo gaman og gott að búa til sitt eigið remúlaði.
Hráefni
Remúlaði
- 1 dl sýrður rjómi
- ½ dl majónes
- ½ tsk dijon sinnep
- 1 tsk niðursoðið kapers – saxað
- ½ skarlottulaukur – saxaður
- 1 msk fersk steinselja – söxuð
- ½ tsk sykur
- Ögn af pipar
- 2 msk relish
- Nokkrir dropar af sítrónusafa
- Salt
- Karrý á hnífsoddi
Verklýsing
- Allt hráefni sett í skál og hrært saman
Geymist mjög vel í kæli í lokuðu íláti.
