Marineruð lamba prime á spjóti
Uppruni
Ég kaupi stundum lamba prime og set það í marineringu. Þetta er hins vega ný aðferð þar sem kjötið er skorið niður, barið með kjöthamri og sett svo í marineringu. Lamba prime er frekar feitt kjöt og því best að borða það vel heitt. Í þetta skipti læt ég því kjötið ekki jafna sig, eftir að hafa verið á grillinu, heldur set ég bitana funheita beint á matarborðið. Það er bara gaman að eiga smá afgang af þessum rétti og næla sér í bita til að stinga inn í tortillu ásamt salati.
Hráefni
- 1 kg lamba prime
- 1 msk ferskt rósmarín – fínsaxað
- 2 msk ferskt timjan – fínsaxað
- 1 hvítlauksrif – pressað eða saxað
- 2 tsk rifinn sítrónubörkur
- 4 msk sítrónusafi
- 8 msk olía (2 dl)
- Saltflögur
Verklýsing
- Kjötið skorið í bita og hver biti barinn með kjöthamri á báðum hliðum
- Krydd, olía, hvítlaukur, sítrónubörkur og safi sett í skál og blandað saman
- Kjötbitarnir skornir í smærri bita, settir í marineringuna og látnir standa í kæli yfir nótt
- Kjötið er tekið úr kælinum – gott að gera það nokkru áður og láta það ná stofuhita. Kjötbitarnir þræddir á grillpinna
- Grillað á báðum hliðum og saltflögum stráð yfir í lokin. Það er alltaf smekksatriðið hversu mikið á að steikja kjöt – þar sem þetta kjöt er fitusprengt þá finnst mér betra að það sé steikt aðeins meira en venjulega. Ath. Vegna fitunnar getur líka logað glatt þegar kjötið er sett á grillið
Meðlæti: T.d. ofnsteiktar eða franskar kartöflur og tzatziki sósa. Einnig er gott að bera fram harissa með
Það má líka taka kjötbitana af pinnunum og bera þá fram í skál.