Stökkar kartöflur og gulrætur – frábært meðlæti

Gott með grillkjötinu

  • Servings: Magn/: 1 kg fyrir u.þ.b. 4 - 5
  • Difficulty: meðal
  • Print

Uppruni

Heba benti mér á þessa aðferð en hún sá þetta gert á TikTok-inu.  Við ákváðum að prófa og hef ég notað þessa aðferð síðan.  Ég veit ekki hvað matarsódinn gerir en kartöflurnar og gulræturnar verða mjög stökkar og góðar.

Hráefni

  • 1 kg kartöflur og/eða sambland af kartöflum og gulrótum (flysja yfirleitt ekki)
  • 1 tsk salt
  • 2 tsk matarsódi
  • Vatn sem flýtur yfir kartöflurnar
  • 1 dl olía

 

Verklýsing

  1. Ofninn hitaður í 250°C (yfir- og undirhiti)
  2. Kartöflur og gulrætur skornar í bita (frekar stórir bitar) – vatn hitað að suðu
  3. Þegar vatnið er farið að sjóða er saltið sett út í og því næst kartöflu- og gulrótarbitarnir
  4. Matarsódinn settur út í (suðan eykst) og soðið í 5 – 6 mínútur
  5. Kartöflurnar og gulræturnar teknar upp úr vatninu og settar í ofnskúffu – olíu hellt yfir og sett inn í ofninn
  6. Bakað í miðjum ofni í 30 mínútur – taka út á 10 mínútna fresti og hræra í. Ef uppskriftin er tvöfölduð er betra að setja í tvær ofnskúffur og láta þær skiptast á að vera fyrir ofan og neðan

 

Leave a Comment

Netfang þitt verður ekki birt.

*