Flottur forréttur eða gott meðlæti
Uppruni
Það virðist vera óskráð regla hjá Grikkjum að fá sér salat í forrétt en það var meginreglan þegar ég var þar í sumar. Ég er meira vön því að borða salatið með matnum en fannst þetta sniðug leið …. að byrja á að seðja mesta hungrið með hollustu. Salatið er yfirleit skorið gróflega niður og svo er tzahziki sósa alveg ómissandi með.
Hráefni
- Gúrka – flysjuð og skorin í bita
- Tómatar – skornir í báta
- Paprika – fræhreinsuð og skorin í bita
- Laukur – skorinn í ræmur
- Salat – skorið fínt (ekki alltaf haft með)
- Fetaostur – skorinn í bita (hægt að fá mjög góðan fetaost í Istanbúl market)
- Svartar ólífur (litlar og með steinum)
- Kapers (niðursoðið)
- Blanda af þurrkuðu kryddi (óreganó, timjan, basil, majoram)
Verklýsing
- Gott að byrja á því að skera niður laukinn og láta hann liggja góða stund í köldu vatni. Þannig verður hann mildari – vatnið er svo sigtað frá. Salat, gúrka, tómatar, paprika, kapers, fetaostur og ólífur sett í skál og blandað saman ásamt lauknum. Kryddinu er svo stráð yfir í lokin
Meðlæti: Borið fram með tzatziki sósu.
