Grillaður lax/silungur gerist varla betri

Grillaður lax/silungur með sætum kartöflum, pistasíukurli og jógúrtsósu

Servings: 6 - 8
Time: 1½ klukkustund
Difficulty: meðal
Print

Uppruni

Uppskriftin er heimatilbúin – góð og tiltölulega einföld. Kosturinn við hana er sá að hægt er að forvinna allt og þá er bara eftir að skella laxinum á grillið og hita kartöflublönduna.

Forvinna

Pistasíublönduna og jógúrtsósuna er hægt að laga daginn áður og sama má segja um kartöflurnar. Sætu kartöflurnar eru soðnar og gulræturnar bakaðar í ofninum.

Ath. Pistasíukurlið og sósan er yfirleitt frekar vinsæl og því gott að gera ríflega af því.

Hráefni

Lax

1½ kíló lax/silungur
Lemon pepper
Saltflögur
Klípur af smjöri u.þ.b. 15 – 30 g

Pistasíukurl

60 g pistasíuhnetur
½ – 1 chili – gott að nota þurrkað eða ½ – 1 tsk chiliflögur
1 – 2 hvítlauksrif
1½ – 3 msk ferskur koriander

Jógúrtsósa

U.þ.b. 250 g lífræn grísk jógúrt eða blanda af grískri jógúrt og hreinni jógúrt
U.þ.b. 50 g Philadelphia – hreinn ostur
Nokkrir dropar af sítrónusafa
1 tsk sojasósa
1 – 2 tsk sulta eða hunang (til að sæta)
U.þ.b. 1 dl ferskur koríander

Sætar kartöflur og gulrætur

2 – 3 stórar sætar kartöflur
6 – 10 gulrætur
2 – 3 tsk Shawarma kryddblanda (t.d. frá Kryddhúsinu)
½ – 1 tsk steytt kardimomma
Olía
Saltflögur og nýmalaður pipar

Verklýsing

Sætar kartöflur og gulrætur

Ofninn hitaður í 180°C
Gulræturnar hreinsaðar, rifnar og settar í eldfast mót. Olíu hellt yfir og kryddað. Sett inn í ofn og bakað í 15 – 20 mínútur eða þar til gulræturnar eru orðnar mjúkar – athuga að hræra í öðru hvoru
Sætu kartöflurnar flysjaðar og skornar í sneiðar. Þær eru soðnar í u.þ.b. 10 – 12 mínútur, vatninu hellt af og sneiðarnar látnar kólna aðeins áður en þær eru skornar í litla bita. Ath. það má líka skera kartöflurnar strax í litla bita, setja í ofnskúffu og hella aðeins af olíu yfir. Látið bakast í ofninum í 30 – 35 mínútur
Sætu kartöflunum blandað saman við gulræturnar, aðeins af olíu hellt yfir og blandað saman. Látið bakast í u.þ.b. 10 – 15 mínútur á meðan laxinn er grillaður

Pistasíukurl

Chili og hvítlaukur sett í matvinnsluvél eða öflugan blandara nema pistasíuhnetur og kóríander – maukað gróft saman. Pistasíuhnetum bætt við og maukað aðeins – koríander bætt við og örlítið maukað

Ath. Ekki þvo blandarann/matvinnsluvélina á milli heldur útbúa jógúrtsósuna strax á eftir

Jógúrtsósa

Öllu blandað saman í matvinnsluvélinni/blandaranum

Lax

Ef borða á roðið þarf að skafa hreistrið af með hníf (frá sporði og upp úr). Laxinn skolaður og settur á álbakka
Smjöri smurt á laxinn og piprað
Grillið hitað og laxinn settur á heitt grillið. Grillað í 12 – 16 mínútur – fer eftir þykkt flaksins (bleikja þarf styttri eldunartíma)
Pistasíukurli dreift yfir laxinn – saltflögum stráð yfir

Meðlæti

Alltaf gott að bjóða upp á salat með.

Sætar kartöflur og gulrætur í vinnslu