Krydduð rauðbeðukaka með mascarpone og karamellu

Servings: 10 bitar
Time: 2 klukkustundir
Difficulty: meðal
Prenta

Uppruni

Þessi uppskrift kemur úr sænska blaðinu ,,Bakat og gott“. Frábær kaka sem þykir sérstaklega góð – meira að segja þótti börnunum hún góð. Þrátt fyrir að mikið sé af rauðbeðum í kökunni kemur á óvart að hún er græn að lit þegar skorið er í hana.

Forvinna

Pistasíukaramelluna og karamellusósuna má gera áður. Kökuna má búa til daginn áður en best er að laga mascarponekremið samdægurs.

Hráefni

Botn

3 dl sykur
100 g smjör – við stofuhita
3 egg
3 dl hveiti
1 tsk matarsódi
1 tsk lyftiduft
1 tsk kardimomma
½ dl olía
200 g rauðbeður – flysjaðar og rifnar eins fínt og hægt er
Börkur af 1 lífrænni sítrónu – rifinn
2 dl heslihnetur – grófsaxaðar
½ grænt epli – flysjað og rifið

Krem

200 g mascarpone ostur – við stofuhita
½ dl flórsykur
3 dl rjómi
2 tsk sítrónusafi

Pistasíukaramella

¼ dl sykur
¾ dl pistasíuhnetur

Karamellusósa

½ dl sykur
¾ dl vatn

Verklýsing

Botn

Ofninn er hitaður í 200°C
Smjör og sykur þeytt þar til blandan verður létt og ljós. Eggin sett út í – eitt í einu
Hveiti, matarsóda, lyftidufti og kardimommu blandað saman við þannig að deigið verði laust við kekki
Rifnar rauðbeður settar út í olíuna og blandað saman við deigið ásamt rifna eplinu, sítrónuberkinum og heslihnetunum
Kakan bökuð í u.þ.b. 24 cm springformi í 35 – 40 mínútur. Gott að stinga prjóni í kökuna til að athuga hvort hún sé bökuð (ef prjónninn er hreinn er kakan tilbúin)

Krem

Mascarpone ostinum blandað saman við flórsykur
Rjóma hellt út í – lítið í einu og þeytt saman
Sítrónusafa blandað saman við í lokin

Pistasíukurl

Sykur bræddur á meðalhita þar til hann bráðnar og verður ljósbrúnn. Hneturnar settar út í, öllu skellt með hraði á bökunarpappír og dreift vel úr – látnið kólna og harðna – saxað gróft

Karamellusósu