Pavlova
Uppruni
Frábær uppskrift frá Dagnýju vinkonu sem er alltaf jafngóð.
Forvinnsla
Hægt að gera botninn nokkrum dögum áður. Einnig þarf að gera mascarponeostinn nokkrum dögum áður ef hann á að vera heimagerður (sjá uppskrift: Heimagerður mascarpone).
Hráefni
Marengsbotn
- 4 eggjahvítur
- 175 g sykur
- 1 msk maísmjöl
- 1 tsk hvítvínsedik
Mascarponekrem
- 250 g mascarponeostur
- 1 eggjarauða
- 50 g flórsykur
- 1 vanillustöng
- 2½ dl rjómi
Verklýsing
Marengsbotn
- Ofn hitaður í 150°C (yfir- og undirhiti)
- Eggjahvítur þeyttar hálfstífar
- Helmingnum af sykrinum bætt út í smám saman og marengs þeyttur í stífa toppa
- Hinn helmingurinn af sykrinum hristur með maísmjölinu og hrært (í höndum) út í þar til blandan er slétt
- Ediki bætt í síðast
- Bakað í springformi (24 – 26 cm) með bökunarpappír á botninum og sett á grind í ofninn
- Eftir 10 mín. er hitinn lækkaður í 120°C
- Bakað í 1 klst. og látið standa í ofninum yfir nótt
Mascarponekrem
- Betra er ef íslenski mascarponeosturinn er nýr þannig að það sé auðveldara að nota hann. Stundum fer hann í kekki. Til þess að koma í veg fyrir það er betra að taka hann úr kæli nokkrum klukkustundum áður
- Eggjarauða og flórsykur eru hvítþeytt saman
- Vanillustöngin er klofin í tvennt, skrapað úr henni og vanillukornin þeytt með
- Mascarponeostinum hrært varlega í eggjahræruna í skömmtum þar til blandan er slétt. Gæta þess að hræra ekki of mikið þá getur blandan orðið kornótt
- Rjóminn er þeyttur og honum hrært varlega út í síðast
- Marengsbotninn er settur á hvolf á kökudisk og mascarponekremið sett ofan á. Skreytt með berjum eða ávöxtum eftir árstíð
Marengsbotn í vinnslu
Mascarponekrem í vinnslu
Pavlova – hver kaka er ein og hálf uppskrift
