Skyrlova
Uppruni
Frábær uppskrift og alls ekki síðri en Pavlovan. Þessi er auk þess töluvert fljótlegri. Á myndinni er tertan á veisluborði og uppskriftin helmingi stærri – (sjá tölur í sviga)
Forvinnsla
Botninn þarf að baka daginn áður þar sem hann þarf að standa í ofninum yfir nótt. Einnig er hægt að gera botninn nokkrum dögum áður en þá hef ég geymt hann í kæli.
Hráefni
Marengsbotn
- 4 eggjahvítur (6)
- 175 g sykur (260 g)
- 1 msk maísmjöl (1½)
- 1 tsk hvítvínsedik (1½)
Skyrfylling
- ½ lítri rjómi (¾)
- 1 stór dós KEA vanilluskyr (1½)
- Ber sem henta hverjum árstíma til skreytingar
Verklýsing
Marengsbotn
- Ofn hitaður í 150°C (yfir- og undirhiti)
- Eggjahvítur þeyttar hálfstífar
- Helmingnum af sykrinum bætt út í smám saman og marengs þeyttur í stífa toppa
- Hinn helmingurinn af sykrinum hristur með maísmjölinu og hrært (í höndum) út í þar til blandan er slétt
- Ediki bætt í síðast
- Bakað í smelliformi (24 – 26 cm) með bökunarpappír á botninum og sett á grind í ofninn (u.þ.b. 24×35 cm form fyrir stærri uppskriftina)
- Eftir 10 mín. er hitinn lækkaður í 120°C
- Bakað í 1 klst. og látið standa í ofninum yfir nótt
Skyrfylling
- Þeytið rjómann
- Bætið skyrinu varlega saman við rjómann
- Marengsbotninn settur á kökudisk og fyllingin ofan á hann
- Skreytt með ávöxtum og berjum
Þeyttum rjóma og skyri blandað saman
