Kryddlegnar kindalundir
Uppruni
Þessi uppskrift kemur frá mömmu. Þennan rétt er tilvalið að eiga í frysti.
Forvinnsla
Kindalundirnar verða að vera minnst 2 sólarhringa í kæli.
Hráefni
Kindalundir
- 600 – 800 g kindalundir eða kindafile
- 3 tsk salt
- 1 tsk timjan
- 1 tsk rósapipar
- 1 tsk svartur pipar úr kvörn
- 1 tsk villijurtablanda frá Pottagöldrum
Rósmarín sósa
- 1 dós sýrður rjómi (18%)
- 1 tsk rósmarín
- 1 msk hunang
- 1 tsk dijon sinnep
- salt og pipar
Verklýsing
Kindalundir
- Öllu kryddi blandað saman (rósapiparinn steyttur)
- Kjötinu raðað á fat og blöndunni dreift jafnt á báðar hliðar
- Plast sett yfir og látið standa í sólarhring í kæli, þá er kjötinu snúið við og látið standa í annan sólarhring í kæli
- Gott að setja í frysti þar sem þægilegt er að skera þunnar sneiðar þegar frost er í lundunum – athuga að lundirnar séu aðskildar þegar þær eru frystar þannig að þær festist ekki saman
Rósmarín sósa
- Öllu blandað saman
- Gott er að gera sósuna aðeins áður – þá verður hún betri
Meðlæti
Borið fram með klettasalati en einnig er gott að strá yfir t.d. ristaðar furuhnetur eða granatepli.
