Feikigóð fiskisúpa

Einföld og góð fiskisúpa

Servings: 4
Time: 40 mínútur
Difficulty: miðlungs
Prenta

Uppruni

Þessi uppskrift er bæði þægileg og einföld. Hún hefur verið að þróast en hér er komin endanleg útgáfa. Voða góð og saðsöm súpa sem yljar á köldum degi.

ATH. Með því að saxa fínt laukinn, hvítlaukinn og tómatana er óþarfi að mauka súpuna í lokin. Bara háð því hvað hverjum og einum finnst best.

Forvinna

Upplagt að byrja á súpunni fyrr og eiga bara eftir að hita hana upp og setja fiskbitana ofan í.

Hráefni

1 gulur laukur – saxaður
2 – 3 hvítlauksrif – saxa/pressa
30 g smjör
2 tsk turmerik
1 tsk karrý
5 dl vatn
2 tómatar – saxaðir/maukaðir
Aðeins af sætu eins og t.d. hunang (1 tsk) eða ferskur ananas (50 g) – skorinn í bita
1 – 2 tsk niðursoðið kapers – saxað
3 dl matreiðslurjómi
1 dós kókosmjólk (400 ml)
1 tsk hvítvínsedik
1 – 2 dl hvítvín
1 tsk grænmetis- eða fiskikraftur
Sítrónupipar
1 – 1½ kg fiskur – skorinn í litla bita. Gaman að hafa sitt lítið af hverju eða bara það sem hver og einn vill
Nýmalaður pipar og saltflögur
Fallegt að skreyta með ferskri steinselju

Verklýsing

Laukur og hvítlaukur steiktir á vægum hita í smjörinu – karrý og túrmeriki bætt við. Ágætt að steikja í pottinum sem á að nota fyrir súpuna
Tómötum, kapers og sætunni bætt við ásamt vökvanum (vatni, kókosmjólk, rjóma, hvítvínsediki og hvítvíni). Grænmetis- eða fiskikrafti bætt við og saltað og piprað. Látið krauma í 20 mínútur á vægum hita – ef hráefnið er gróft saxað er gott að mauka súpuna með töfrasprota
Súpan hituð að suðu og fiskbitarnir settir ofan í. Slökkt á hellunni og látið standa í nokkrar mínútur

Á vel við með: Nýbökuðu hvítlauksbrauði eða einföldu súrdeigsbrauði.