Kjúklingalæri í marineringu
Uppruni
Hér kemur ein góð útgáfa af einföldum kjúklingarétti. Marineringin er sáraeinföld og það sama má segja um matreiðsluna. Yfirleitt hendum við kjúllanum á grillið en það má einnig steikja hann á pönnu. Okkur þykir gott að nota grillið og látum kjúllann svo jafna sig í ofninum í pottunum góðu. Hrísgrjón eru flott með og frábært að hafa hoppandi góða hvítlaukssósu á kantinum ásamt brakandi fersku salati.
Hráefni
- 800 g úrbeinuð kjúklingalæri
- 1 msk hitaþolin olía
- Krydd t.d. Best á allt og/eða kjúklingakrydd
- 3 – 4 msk hunangsdijon
- Salt og pipar
Verklýsing
- Olía, krydd og hunangsdijon sett í skál og blandað saman. Kjúklingalærin sett út í og látið standa að minnsta kosti í 30 mínútur eða lengur. Stundum höfum við látið þetta liggja í kæli yfir nótt
- Grillið hitað (ef ofninn er notaður þá er hann hitaður í 150°-180°C)
- Kjúklingalærin grilluð á báðum hliðum og ef lærin eru steikt í gegn má bera þau strax fram. Okkur finnst gott að setja lærin aðeins ofan í Hönnupott og láta þau malla þar í 10 – 15 mínútur
- Borið fram með hrísgrjónum og fersku salati
