Bláberjasmjör - með eftirréttinum eða á brauðið
Uppruni
Eitt af því sem ég bý oft til er sítrónusmjör (curd) enda tiltölulega einfalt og gaman að eiga í kælinum. Það má líka gera aðrar útgáfur af curdi eins og t.d. rifsberjacurd og rabarbaracurd en núna er það bláberjacurd. Það má nota curdið t.d. eins og sultu á pönnuköku, á brauðið, amerísku pönnukökuna eða í rúllutertuna.
Hráefni
Verklýsing
- Börkurinn rifinn af sítrónunum og safinn kreistur – allt (börkur og safi) sett í blandarann ásamt bláberjum og maukað (má einnig nota töfrasprota)
- Blöndunni hellt í pott ásamt smjöri og sykri. Hrært saman þar til smjörið hefur bráðnað
- Egg og eggjarauður hrært saman og bláberjablöndunni hellt saman við eggin – lítið í einu (mjó buna) og hrært á milli
- Öll blandan sett aftur í pott og hituð mjög rólega. Mikilvægt að hitinn fari ekki yfir 80°C en best er að hræra stöðugt í á meðan blandan hitnar. Um leið og hún er orðin þykk er bláberjasmjörið tilbúið. Ef það sýður eyðileggst áferðin
- Blandan sett í tandurhreina krukku – lokið sett á og geymt í kæli
Bláber, sítrónubörkur og safi maukað saman
Bláberjamaukinu hellt saman við eggin
Sykur, smjör og bláberjamaukið sett í pott
Hitað þar til blandan þykknar (nær 80°C) og hellt í krukkur
