Uppruni
Hér kemur ein einföld og góð fyrir þá sem eiga bláberjacurd í kælinum. Eftirréttur getur bara ekki orðið einfaldari.
Hráefni
Botn
- 3 egg
- 2 dl sykur
- 1 dl hveiti
- ½ dl kartöflumjöl
- 1 tsk lyftiduft
- 2 msk vatn
Fylling
- 2½ dl rjómi
- 2 dl bláberjacurd (bláberjasmjör)
Verklýsing
Botn
- Ofninn hitaður í 250°C.
- Egg og sykur hvítþeytt saman í hrærivél
- Hveiti, kartöflumjöli og lyftidufti blandað saman í skál (gott að sigta saman) – sett út í eggjahræruna og blandað saman varlega með sleikju
- Vatninu bætt við
- Deigið er sett á smurðan bökunarpappír í ofnskúffu, dreift jafnt út og bakað í ca 5 mínútur
- Hvolft á klút (viskustykki) sem hveiti hefur verið stráð á eða á bökunarpappír sem sykri hefur verið stráð á
- Pappírinn dreginn af og ofnskúffan látin vera yfir á meðan kakan kólnar
Fylling
- Rjómi þeyttur
- Bláberjacurdi dreift yfir botninn og rjóminn settur ofan á
- Kakan rúlluð upp og sett á fat. Hægt að skreyta með ýmsu en einfalt er að dreifa aðeins af flórsykri yfir og skreyta með berjum
Gott að sigta hveiti, kartöflumjöl og lyftiduft í eggjahræruna … og ekki gleyma vatninu
Þessi gleymdist aðeins í ofninum – varð því svolítið dökk en það kom ekki að sök
