Bláberjapæ með hnetum og marsipani
Uppruni
Ég fann þessa uppskrift í sænsku blaði. Fannst pæið gott og auðvelt að baka. Best að bera það fram volgt. Set uppskriftina inn til að halda henni til haga.
Forvinna
Hægt að flýta fyrir með því að baka pæið fyrr um daginn eða daginn áður – velgja svo aðeins áður en það er borið fram.
Hráefni
Deig
- 100 g smjör við stofuhita
- ½ dl sykur
- ½ – 1 egg
- 2¾ dl hveiti
Fylling
- 175 g möndlumassi – rifinn
- 80 g smjör
- 2 egg
- 200 g bláber – upplagt að nota fersk, íslensk bláber eða fryst
Hnetukaramella
- 150 g smjör
- ½ dl hveiti
- 1½ dl sykur
- 1 dl rjómi
- 2 msk hunang
- 2 msk síróp
- ½ msk vanilluduft
- 200 g hnetumix – það sem er til eða í uppáhaldi
Verklýsing
Deig
- Smjör, sykur og hveiti hnoðað saman
- Hálfu eggi bætt við – hnoðað í eina kúlu
- Þrýst á kúluna svo að hún fletjist aðeins út – vefja innan í plastfilmu og geyma í kæli í 30 mínútur
- Taka deigið út og láta það jafna sig í 15 mínútur við stofuhita
- Ofninn hitaður í 190°C (yfir- og undirhiti)
- Deigið flatt út þannig að það rúmist í 22 cm springformi með 5 cm kanti (fletja út tæp 27 cm hring). Það er allt í lagi þó að deigið detti í sundur – fletja það út og fylla svo í götin á eftir – gott að nota fingurna
Fylling
- Marsipan og smjör – hrært saman. Eggi bætt við – einu í einu
- Fyllingin sett í botninn ofan á smjördeigið. Bláberjum hellt yfir
- Pæið sett í miðjan ofninn og bakað í 22 mínútur
Hnetukaramella
- Smjör, hveiti og sykur sett í pott – hrært saman á lágum hita í 10 mínútur
- Hnetur grófsaxaðar
- Rjóma, hunangi, sírópi og vanilludufti –bætt við. Mikilvægt að hræra allan tímann. Hrærið þar til hitinn nær 112° -114° hita. Gott að nota hitamæli til að fylgjast með hitanum – hræra stöðugt
- Þegar pæið er tekið út er hnetukurlinu dreift yfir
- Karamellublöndunni hellt yfir
- Pæið sett aftur inn í miðjan ofn í 8 mínútur
Meðlæti
Vanilluís eða þeyttur rjómi á vel við.
Karamellan útbúin
