Fersk og gott salat með grilluðum svínalundum og austurlenskri sósu
Uppruni
Uppskriftina hef ég átt í mörg ár en hún kemur af íslenskum uppskriftarspjöldum. Þessi réttur er góður og léttur sem hentar bæði sem kvöldverður eða á veisluborð.
Forvinna
Kjötið þarf að liggja í marineringu. Það má alveg grilla það eitthvað áður og skera niður í sneiðar.
Hráefni
Marinering
- ½ dl þurrt sérrí
- ½ dl sojasósa
- 4 tsk engiferrót – rifin fersk
- 3 hvítlauksrif – söxuð/pressuð
- 800 g svínalund
Sósa
- ¼ dl þurrt sérrí
- ¼ dl sojasósa
- 2 tsk engiferrót – rifin fersk
- 1 hvítlauksrif – pressað/saxað
- ½ dl Hoisin sósa
- 2 msk púðursykur
- 2 msk hvítvínsedik
- 1 msk ólífuolía
- 1 tsk sesamolía
Salat
- 4 rauðlaukar – skornir í sneiðar
- 1½ msk sesamfræ
- 1½ – 2 poki ferskt salat
- 4 – 6 plómur – skornar í báta
Verklýsing
Marinering
- Sérrí, sojasósa, engiferrót og hvítlaukur sett í skál/plastskál með loki eða plastpoka – blandað saman
- Svínalundir lagðar í blönduna, lokað og geymt í kæli yfir nótt
Sósa
- Allt hráefni, nema seasomolía, sett í pott og hitað að suðu. Seasamolíu blandað saman við og potturinn tekinn af hitanum
Steiking og salat
- Kjötið tekið úr kæli nokkru áður en það er grillað. Steikt á báðum hliðum á grilli (kjöti lokað) þannig að fallegur litur komi á það og sett á bakka – kjöthitamæli stungið í kjötið. Látið steikjast þar til hitamælirinn sýnir 75°-77°C
- Kjötið sett á skurðarbrett og leyft að jafna sig. Ekkert verra að það nái að kólna
- Skorið í þunnar sneiðar – safinn, sem rennur úr kjötinu, er settur í sósuna
- Rauðlaukur skorinn í þunnar sneiðar – ágætt að geyma hann í köldu vatni þar til hann er settur í salatið (í vatninu mildast laukbragðið og lauklyktin verður minni)
- Salatblöðum raðað fallega á stórt fat. Svínakjötssneiðar, rauðlaukur og plómur sett ofan á. Aðeins af sósu hellt yfir og sesamfræjum stráð yfir í lokin
- Ágætt að hafa sósuna í könnu til hliðar
