Tortillupizzur í uppáhaldi – tilvalið að nota afganga

Uppruni

Gerða, vinkona mín, sagði mér um daginn frá tortillupizzum sem hún bjó til. Hún notaði bara það sem til var í ísskápnum og sagði að það færi líka eftir því hvernig lægi á henni í það og það skiptið. Ég ákvað að prófa þegar afgangarnir voru orðnir plássfrekir í mínum ísskáp. Bjó að vísu til klettasalatspestó þar sem það á svo vel við margt. Notaði afganginn af parmesan kjúklingaréttinum – skar niður kjúklingabringurnar og er frábært að setja basil sósuna yfir eftir að tortillupizzan er komin úr ofinunum. Það má segja að þessar pizzur hafi þegar slegið í gegn á heimilinu.