Ciabatta - súrdeigsbrauð
Uppruni
Uppskriftina fann ég í sænsku blaði og er þetta brauð alveg sérstaklega gott. Þegar ég baka það nota ég hvítan súrdeigsgrunn.
Forvinna
Ef útbúa þarf súrdeigsgrunn þarf að hefja undirbúning a.m.k. 5 – 10 dögum áður – hægt að nota: heimagerðan súrdeigsgrunn með eplum eða súrdeigsgrunn – til að baka súrdeigsbrauð, súrdeigsgrunnur með hunangi
Hráefni
- 300 g súrdeigsgrunnur (u.þ.b. 3 dl)
- 2½ dl volgt vatn
- Tæplega 3 tsk þurrger
- 1 msk olía
- 1½ tsk salt
- 5-6 dl hveiti
- Olía til að pensla á borðplötuna
- Hveiti til að strá á borðplötuna
Verklýsing
- Öllu hráefni blandað saman og hnoðað í hrærivél í u.þ.b. 8-12 mínútur – deigið er smá klístrað og svolítið teygjanlegt
- Deigið sett í skál með viskustykki ofan á (eða plastfilmu) – látið hefast í 2 klukkutíma
- Olíu penslað á borðplötu og deigið sett ofan á. Dragið deigið varlega í ferning – hann lagður saman þrefaldur (sjá mynd fyrir neðan). Endurtekið 2-3 sinnum
- Lagt aftur í skálina og látið hefast í 20 mínútur – liður 3 endurtekinn tvisvar
- Deigið lagt á hveitistráð borð og skipt niður í jafna 8-10 parta – partarnir eru u.þ.b. 12 x 6 cm að stærð
- Brauðin sett í ofnskúffu með bökunarpappír og hveiti strá yfir – viskustykki látið ofan á. Látið hefast í 25 mínútur (það hefur ekki komið að sök þó að ég hafi sleppt þessari hefingu)
- Ofninn hitaður í 250°C og ofnskúffa látin hitna með í ofninum
- Brauðinu rennt með bökunarpappírnum yfir á heitu ofnskúffuna og bakað í 10 -15 mínútur
Geymsla
Brauðið er frábært nýbakað en er líka gott daginn eftir. Má frysta.
Mynd: Verklýsing 1 – 3
Mynd: Verklýsing 4 og 5
Mynd: Sum brauðin voru aðeins of lengi í ofninum en mörgum finnst það bara betra – þau verða svolítið stökk.