Grilluð hörpuskel með beikoni og döðlum

Verklýsing

Hörpuskel – pinnar

1. Best er að nota millistærð af hörpuskel en hún fæst mjög sjaldan. Þessar litlu eru of smáar og þær stóru þarf oft að skera í tvennt. Betra að hafa döðlur og hörpuskel í svipaðri stærð annars brenna döðlurnar/hörpudiskurinn áður en allt er tilbúið á grillinu
2. Sherry og hunangi blandað saman í skál – ekki of mikið.  Betra að bæta við ef með þarf en hörpuskelin getur verið blaut og þynnt blönduna (ráð að láta hörpuskelina liggja á eldhúspappír áður en henni er velt upp úr Sherryblöndunni)
3. Hörpuskelinni velt upp úr Sherryblöndunni
4. Beikoni (1/2 – 1 ræma) vafið utan um  hörpuskelina og sett á grillpinnann. Þá er sett ein steinlaus daðla (ef hún er stór má skipta henni í tvennt) á pinnnann og síðan koll af kolli. Þrjár beikonvafðar hörpuskeljar og 1 – 2 döðlur á hverjum pinna.  Hella má því  sem er eftir af Sherryblöndunni  yfir pinnana

Salatdressing

5. Hráefnum blandað saman. Hlutföllin eru meira tilfinning en hitt. Smakka til

Samsetning og grill

6. Pinnarnir settir á heitt grillið og þeir grillaðir í u.þ.b. 2 mínútur á hvorri hlið – háð stærð hörpuskelja og hita á grillinu
7. Salat sett á disk, salatdressingu hellt yfir, hnetum og seasamfræjum stráð yfir
8. Grillpinnanum tyllt á salatið og ögn af salatdressingunni hellt yfir