Ofnsteiktur laukur í pottalingi

Ofnsteiktur laukur - frábært meðlæti

Servings: 1 - 2
Time: 90 mínútur
Difficulty: einfalt
Prenta

Uppruni

Laukur í pottalingi er næst á dagskrá en það má segja að um sé að ræða með því auðveldasta meðlæti sem bjóða má upp á…. eða næstum því. Gráupplagt er að nota pottaling en ef hann er ekki við höndina má nota lítið ílát með loki sem þolir að fara í ofn. Með því að ofnsteikja laukinn gerist það sama og með hvítlaukinn, hann verður mildari og öðlast örlítið sætan keim. Frábært meðlæti sem gefur skemmtilegt bragð.

Hráefni

1 laukur – gulur eða rauður
U.þ.b. 10 g smjör

Verklýsing

Ofninn hitaður í 180°C (yfir- og undirhiti)
Laukurinn settur í pottaling eða eldfast ílát með loki
Smjörklípa sett í pottinn, lokið á og inn í ofninn í 80 – 90 mínútur – háð stærð lauksins
Potturinn tekinn út og látinn kólna aðeins
Laukurinn tekinn úr pottinum – endar skornir af
Laukurinn er flysjaður og skorinn niður þversum í þunnar sneiðar
Undir lauknum hefur safnast saman bráðið smjör …tilvalið að hella því yfir laukinn
Gott t.d. á pizzuna, með grillkjötinu eða með steiktum fiski

Geymsla: Geymist í lokuðu íláti eða pottalingi í kæli í nokkra daga