Mjúkir kanilsnúðar að sænskum hætti
Uppruni
Gömul sænsk uppskrift frá mömmu. Mjúkir og góðir snúðar sem eru einfaldlega þeir bestu.
Hráefni
Deig
- 50 g pressuger eða 1 bréf (12 g) þurrger
- ½ l mjólk
- 100-150 g smjör
- ½ tsk salt
- 1½ – 2½ dl sykur
- 2 tsk steytt kardemomma (mulin í mortel). Hægt að kaupa mulna kardimommu frá t.d. frá Pottagöldrum
- 1 egg
- 1½ l hveiti (u.þ.b. 12 – 13 dl)
- Nokkrar heilar kardemommur (kjarninn) – muldar í morteli (má sleppa)
- 1 egg – til penslunar
- Skraut (má sleppa): Möndluflögur, hnetumulningur og/eða grófur sykur
Fylling – á hvorn helming
- 50 g smjör (samtals 100 g)
- 1 dl sykur (samtals 2 dl)
- 1 msk kanill (samtals 2 msk)
Verklýsing
- Mjólk og smjör hitað í 37°C (best að bræða smjörið fyrst og hella mjólkinni út í). Eggi bætt við – gott að hafa allt við sama hitastig
- Ger, kardimommur, sykur og salt sett í skál og blandað saman
- 37°C (Gerbakstur – góð ráð) heitri mjólkurblöndunni er hellt í skálina. Ath. alls ekki hærra en 37°C – frekar aðeins lægra
- Setjið nokkra dl af hveiti í skálina og hrærið með sleikju
- Afgangi af hveiti bætt við og hnoðað þar til deigið verður þannig að hægt sé að koma við það án þess að það klístrist við mann – passa samt að hafa það ekki of þurrt
- Látið hefast í 1 klst. með rakan klút yfir skálinni – á stað sem ekki er trekkur
- Deiginu er skipt í tvennt – flatt út ca 25×50 cm
- Mjúku eða bræddu smjörinu er dreift yfir deigið
- Kanil og sykri blandað saman – stráð yfir
- Búin til rúlla úr deiginu og henni skipt í tvennt
- Skipta síðan hverjum helmingi í þrjá hluta og síðan hverjum þriðjungi í tvo. Það eiga að koma 24 snúðar úr hverri rúllu. Gott er að gera fyrst far með hnífnum, þegar verið er að skipta niður, og skera svo alveg niður þegar búið er að áætla stærð snúðanna – þá eru minni líkur á að fyllingin leki
- Gera það sama við hinn helminginn => samtals koma 48 snúðar úr uppskriftinni. Ath: það má hafa snúðana færri og stærri en þá þurfa þeir aðeins lengri bökunartíma
- Raðið snúðunum á smjörpappír+bakstursplötu og látið hefast aftur í 1 klst. með klút yfir
- Að lokum eru snúðarnir penslaðir með pískuðu eggi (má píska örlítilli mjólk með). Hægt að setja grófan sykur á snúðana, möndluflögur eða hnetur sem skraut og til bragðbætis
- Baka við 250°C (yfir- og undirhiti) í u.þ.b. 5 – 7 mínútur. Ef gera á extra vel við sig er fallegt að sigta flórsykri yfir snúðana
Góð ráð:
- Gott er að finna rétt hitastig á mjólkurblöndunni með því að dýfa olnboganum aðeins ofan í – ef sami hiti er á blöndunni þá er hitinn nálægt 37°C
- Gott er að setja rakan klút (viskustykki) ofan á skálina í hefingu
- Gott er að hafa eggin við stofuhita
- Látið hefast á stað það sem er ekki of svalt eða getur verið trekkur. Ef sólin skín þá er tilvalið að láta skína á klútinn
Geymsla
Þessir snúðar hverfa yfirleitt um leið en gott getur verið að eiga heimsins bestu snúða í frystinum.
