Heimagert ravioli með ricotta og spínati
Uppruni
Eitt af því skemmtilegra sem ég geri er að búa til mismunandi útgáfur af fyllingum í heimatilbúið pasta. Það er hægt að gera mismunandi útgátur af ravioli en þessi er í uppáhaldi og er það tvennt sem stendur upp úr…. annars vegar hversu skemmtileg vinnslan er og svo hins vegar hvað bragðlaukarnir hafa gaman af…. tilfinningin er smá eins og að vera staddur á góðum, litlum ítölskum veitingastað. Það er kannski eitt sem er öðruvísi …litla saltkona, ég, salta þennan rétt ekki mikið en saltmagnið er valfrjálst. Ég bý sjálf til pastað og ricottaostinn en það má líka alveg sleppa því og kaupa tilbúið… en ef maður er í stuði þá er sáraeinfalt að búa til hvort tveggja. Salvíusmjörið gerir mikið og sama má segja ef notað er aðeins af pestói. Rifni sítrónubörkurinn setur punktinn klárlega yfir i-ið. Rétturinn er bæði góður sem aðalréttur eða forréttur.
Rúmlega 200 g ferskt pasta – tvöföld uppskrift af heimagert pasta Fylling Samsetning og framreiðslaHráefni
Verklýsing
Pasta
- Hnoðað í 10 mínútur (sjá uppskrift)
- Látið jafna sig í 30 mínútur í kæli – flatt út
Fylling
- Stilkarnir teknir af spínatinu og blöðin sett í sjóðandi vatn – soðið í 30 sekúndur. Vatninu hellt frá og blöðin kreist til að ná öllum vökvanum úr – saxað smátt
- Öllu hráefni blandað saman í skál
Ravíoli
- Ef til er ravioliform er lengja af fersku pasta lagt í formið og holur myndaðar til að koma fyllingunni fyrir (sjá mynd). Fylling sett í hverja holu (rétt rúmlega 1 tsk). Pastalengja lögð ofan á og kökukefli rennt yfir til að móta bitana. Forminu snúið við og hver biti tekinn úr. Ef ekki er til form er pastalengja lögð á borð (gott að sigta aðeins af hveiti áður – til að lengjan loði síður við). Tvær fyllingar settar hlið við hlið með góðu millibili (rétt rúmlega 1 tsk af fyllingu) – pastalengja lögð ofan á og þrýst með fingrum á öllum hliðum til að loka svo að fyllingin haldist. Hnífur (rúllujárn) notað til að skera ravioli niður
- Þar sem tilbúið ravioli er geymt er gott að sigta smá hveiti yfir þannig að bitarnir loði síður við borðið/fatið. Ef ekki á að sjóða þá strax er gott að setja plastfilmu yfir en þá er bara að varast að plastið snerti ravioli-ið (gott að barmarnir á disknum séu hærri eins og t.d. á djúpri ofnskúffu)
- Vatn hitað að suðu – saltað. Ravioli sett ofan í sjóðandi vatnið og soðið í 4 mínútur
Samsetning og framreiðsla
- Brennd salvía og smjör: Smjör sett á litla pönnu/pott og brætt á frekar háum hita. Lauf af ferskri salvíu bætt við. Þegar smjörið er bráðnað kraumar í því og það myndast hálfgerðir kristallar á yfirborðinu og síðan froða. Á þeim tímapunkti fer að myndast litur í botninum og salvían dökknar – þá er það tekið af hellunni
- Pestó sett á disk og nokkur blöð af klettasalati (eða öðru fallega grænu). Rravioli lagt ofan á og brennd salvía sett hér og þar. Sítrónubörkur rifinn yfir ásamt parmesanosti og nokkrum saltflögum
Salvíusmjör
