Einfalt og gott engifermæjó

Engifermajónes... gott með mörgu

Servings: /:Magn: 3 dl
Time: Tæplega 20 mínútur
Difficulty: auðvelt
Prenta

Uppruni

Hér kemur góð útgáfa fyrir engiferfólkið. Majónesið er gott, einfalt að búa það til og hægt að bera það fram t.d. með humarsalati, pasta, fiski eða grillkjöti. Þeir sem vilja mikið engiferbragð geta alveg aukið magnið af engiferinu.

Hráefni

90 – 120 g engifer – rifið fínt (1½ – 3 msk engifersafi). Ath. ef ég nota lífrænt engifer sleppi ég að flysja það og þá þarf minna af því
2 eggjarauður
1 tsk dijonsinnep
2 tsk hvítvínsedik
2 – 3 msk safi úr engifer
3 dl góð olía
Salt
Pipar

Verklýsing

Engifer rifið fínt og sett í sigti eða grisju – safinn kreistur úr í skál
Eggjarauða þeytt ásamt sinnepi og hvítvínsediki. Ath. mikilvægt að þeyta eggjarauðurnar vel (þannig að þær verði loftkenndar) áður en olíunni er hellt í
Olíu hellt saman við í rólegegheitum í mjórri bunu á meðan eggjahræran er þeytt
Engifersafanum bætt við í lokin – þeytt saman við
Flott að bera engifermajónesið fljótlega fram – þá er það ,,fluffy“ og fallegt

Geymsla: Geymist vel í lokuðu íláti í kæli í 2 – 3 daga (stundum þarf að fríska það upp með því að hræra aðeins í því).