Kóriander og basilmauk eins og það gerist best
Uppruni
Þessi uppskrift af prima pestó er heimatilbúin og er upphaflega hugsuð til að nota í samlokugerð heimilisins. Pestóið er sérstaklega gott og geymist vel í kæli. Það má einnig nota með ýmsu öðru eins og pasta, salati, ofan á pizzuna eða sem sósu – bara um að gera að nota hugmyndaflugið.
Hráefni
- 20 g ferskt kóriander
- 20 g ferskt basil
- 2½ dl olía
- ½ tsk sítrónusafi
- 1 dl pistasíuhnetur
- ½ dl graskersfræ
- ½ dl sólkjarnafræ
- 2-3 hvítlauksrif
- Ögn af chili
- 1 – 1½ dl létt majónes
Verklýsing
- Allt nema majónesið sett í blandarann og maukað – gott að byrja á því að mauka hvítlaukinn, fræ og hnetur og enda svo á olíunni og kryddjurtunum
- Majónesið er svo hrært saman við með sleikju í lokin
Hráefni
