Smjörsteiktur aspas – frábær sem meðlæti eða forréttur
Uppruni
Þegar ferskur aspas er til í verslunum er upplagt að nota hann sem meðlæti eða sem forrétt.
Forvinna
Sjóða aspasinn.
Hráefni
- 1 búnt aspas – ágætt að skera aðeins neðan af honum
- Smjör
- Saltflögur
- Pipar
Verklýsing
- Vatn sett í víðan pott – nægilega mikið til þess að það fljóti yfir aspasinn. Hitað að suðu
- Aspasinn settur ofan í og hitinn aðeins lækkaður – látið sjóða en alls ekki bullsjóða í 3 – 4 mínútur (fer eftir sverleika), tekinn upp úr. Ef aspasinn er soðinn of lengi missir hann fallega græna litinn. Ágætt að geyma suðuvatnið (aspassoðið) – hægt að nota það í súpu. Þá er gott að láta soðið sjóða aðeins niður þ.e. láta vatnið sjóða í nokkrar mínútur í viðbót
- Smjör brætt á pönnu (gæta þess að það brenni ekki). Aspasinn lagður á pönnuna og hitinn hækkaður. Látinn brúnast aðeins á háum hita
- Aspasinn tekinn af pönnunni og lagður á fat – piprað með nýmöluðum pipar og saltflögum dreift yfir
Á vel með
Kjöti, fiski eða bara eitt og sér.
[/directions]
