Hvítlaukshjarta
Uppruni
Hér kemur frábær hvítlauksútgáfa af þessari fínu bolluuppskrift. Bollurnar má móta á ýmsa vegu en þessi útgáfa ætti að eiga greiða leið að hjartanu. Hvítlauksbollurnar eru bestar nýbakaðar og alveg sérstaklega gott meðlæti með súpunni eða pastaréttinum.
Hráefni
Brauðbollur
- 1 bréf þurrger (ca. 12 g)
- ½ lítri mjólk
- 1 msk hunang
- 1 tsk salt
- 10 – 11 dl hveiti
Hvítlaukssmjör
- U.þ.b. 50 g smjör – við stofuhita
- 2 – 3 hvítlauksrif – pressuð
- Fersk steinselja – söxuð
Skraut
- Sesamfræ
- Parmesanostur – rifinn
- Saltflögur
- Góð olía
Verklýsing
- Þurrger/pressuger og salt sett í skál
- Mjólk og hunang hitað (37°C) og hellt í skálina. Hrært í með sleikju – nokkrum dl af hveiti bætt út í og blandað saman. Deigið hnoðað í lokin í nokkrar mínútur – deigið á að vera þannig að hægt sé að snerta það án þess að það klístrist við fingurna en á alls ekki að vera þurrt
- Klútur (gott að hafa hann svolítið rakan) lagður yfir skálina og deigið látið hefast í 1 klukkustund á stað þar sem ekki er trekkur
- Hvítlaukssmjör: Smjör, pressaður hvítlaukur og söxuð steinselja blandað saman. Jafnmargar smjörkúlur mótaðar og bollurnar eru
- Ofninn settur á 225°C (yfir- og undirhiti)
- Deigið sett á hveitistráð borð og skorið í 20 – 22 jafna hluta. Kúlur mótaðar og þeim dýft ofan í skál með sesamfræjum. Bollur settar á ofnskúffu með bökunarpappír. Hjarta mótað með bollunum – sjá myndir
- Enda á sleif stungið í hverja bollu þannig að hola myndist. Smjörkúlurnar settar ofan í holurnar
- Rifnum parmesanosti dreift yfir og að lokum saltflögum. Hjartað bakað í 12 – 14 mínútur
- Gott að hella aðeins af góðri olíu yfir þegar það er tekið úr ofninum
Hráefni
Deig í vinnslu
Hvítlaukssmjör í vinnslu
