Muffins eða ein stór múffa á góðum sumardegi
Uppruni
Jebbs …. núna er rabarbarinn ferskur og kátur og því upplagt að koma með eina lauflétta og góða múffu í tilefni þess. Uppskriftin á rætur sínar að rekja til Svíþjóðar en þeir eru mikil kardimommuþjóð. Það er líka svo skemmtilegt hvað kardimommur og rabarbari tala vel saman. Uppskriftina má gera í einu eldföstu móti (Hönnupotti) eða í muffinsformum.
Kardimommur
Í Svíþjóð er hægt að kaupa kardimommufræin í poka sem er upplagt að mylja gróft í morteli. Hér er annaðhvort hægt að fá fínmalaða kardimommu eða kardimommubelgina sem þarf að taka úr skelinni áður en fræin eru mulin í morteli. Ef notast er eingönu við fínmalaða kardimommu má minnka aðeins magnið í rjómanum og hafracrumblinu og smakka til.
Hafracrumble KardimommurjómiHráefni
Verklýsing
- Ofninn stilltur á 180°C (blásturstilling) – ef notaður er Hönnupottur er gott að hita hann með ofninum
- Egg, vanillusykur og 2½ dl sykur þeytt saman þar til blandan verður létt og ljós
- Smjörið brætt, mjólk bætt við ásamt sítrónuhýði – blandað saman. Öllu hellt í blönduna ásamt hveiti, salti og lyftidufti – blandað varlega saman
- Rabarbara, 1 msk sykri, kardimommu, og kartöflumjöli blandað saman í skál. Öllu bætt við deigið og hrært saman – allt sett í Hönnupott (eða sambærilegat form sem þolir að fara í ofn) eða 10 muffinsform. Bakað í 20 mínútur ef í potti (muffins þurfa 5 mínútur) – tekið út og Crumble bætt við
Crumble
- Smjörið brætt. Sykri, haframjöl og vanillusykri – blandað saman við brætt smjörið. Blandan sett yfir deigið eftir að hafa bakast í 20 mínútur og bakað áfram í 15 – 20 mínútur (muffins þurfa 10 mínútur)
Muffins
Ef bakað er í muffinsformum er heildarbaksturinn 15 mínútur en fyrst þarf að baka kökurnar í 5 mínútur og svo er Crumble sett yfir og bakað áfram í 10 mínútur. Gera má ráð fyrir 15 – 20 stk.
Kardimommurjómi
- Rjóminn þeyttur og kardimommu blandað saman við
Rabarbaragæði bakað í leirpotti
