Heimagert stracciatella
Uppruni
Eitt af mínu uppáhalds er burrata en það getur verið þrautin þyngri að nálgast góðan burrata á Íslandi. Mér til mikillar ánægju rakst ég á þessa uppskrift í blaði ….einfalt stracciatella en það er einmitt fyllingin í burrataostinum. Stracciatella má nota í ýmsa matargerð eins og t.d. á pizzu, sem ídýfu eða á samlokur. Næsta mál á dagskrá er að læra að búa til minn eiginn burrata en þangað til get ég skellt í súper dúper einfalt stracciatella.
Hráefni
- 1 fersk stór mozzarellakúla (u.þ.b. 125 g)
- ½ – 1 dl rjómi
- Salt
Verklýsing
- Vökva hellt frá og osturinn skorinn niður fínt í strimla eða rifinn fínt í rifjárni
- Strimlarnir settir í skál og rjómanum hellt yfir – lokað og látið standa í a.m.k. 3 klukkustundir eða helst yfir nótt í kæli. Magnið af rjómanum fer eftir því hversu blautt þú vilt hafa straccatellað
- Hrært og smakkað með salti
Hugmyndir:
Eins og áður segir er stracciatella mjög gott í matargerð eins og ídýfu eða ofan á brauð. Það gerist fátt betra en pönnuristuð súrdeigsbrauðsneið með pestói, stracciatella, pharmaskinku og dass af parmesan eða nokkrum dropum af olíu og nokkrum pipar- og saltkornum.
Geymsla: Geymist ágætlega í nokkra daga í lokuðu íláti í kæli.
Mozzarella rifið niðu og með rétt rúmlega ½ dl rjóma
Mozzarella skorið í strimla og með nær 1 dl rjóma
Pönnuristað súrdeigsbrauð með pestói, salati, stracciatella og parmaskinku 🙂
Pingback: Hnoðaðar kúri súrdeigspizzur
Pingback: Frábær smáréttur eða forréttur.. stracciatella með tómötum