Súkkulaðisæla með hindberjum og marengs
Uppruni
Þessi kaka er í miklu uppáhaldi þessa dagana en hún er bæði einföld og góð. Það má klárlega mæla með þessari bombu.
Forvinna
Kökuna má búa til daginn áður.
Hráefni
Botn
- 100 g suðusúkkulaði – saxað
- 100 g smjör
- 2 egg
- 2 dl muscovadosykur eða púðursykur
- 2 dl hveiti
- 1 msk kakó
- 1 tsk vanillusykur
- ¼ tsk lyftiduft
- ½ tsk salt
- 2 msk hunang
- 50 g hindber – frosin eða fersk
Súkkulaðimarengs
- 75 g suðusúkkulaði – brætt
- 3 eggjahvítur
- 1½ dl sykur
- ¼ tsk vodki eða bacardi
- 1 msk maizenamjöl
Verklýsing
- Ofninn hitaður í 175°C (blástur)
- Smjör brætt í potti. Súkkulaðibitunum bætt við smjörið og blandað saman
- Hveiti, kakói, vanillusykri, lyftidufti og salti blandað saman í skál
- Egg og muscovadosykur/púðursykur þeytt vel saman þar til blandan verður létt og ljós
- Súkkulaðiblöndunni blandað varlega saman við og loks þurrefnunum (ágætt að sigta þau ofan í)
- Sett í 24 cm smelliform með bökunarpappír í botninum. Hindberjabitarnir settir hér og þar í deigið. Bakað í 12 – 20 mínútur (mér finnst betra að hafa hana minna bakaða) – tekið úr ofninum og hunangi hellt yfir
- Látið standa úti í 15 mín… nú er flott að byrja á marengsinum
- Súkkulaðimarengs Eggjahvítur þeyttar og sykri bætt við jafnóðum. Ágætt að þeyta eggjahvíturnar aðeins fyrst og bæta svo sykrinum rólega saman við. Vodki/barcardi sett út í – þeytt og maizenamjöli bætt við í lokin (gott að hægja aðeins á þeytingunni svo að mjölið gusist ekki út um allt)
- Bræddu súkkulaði blandað lauslega saman við – á ekki að blandast of mikið saman
- Kakan sett aftur í ofninn í 15 mínútur eða þangað til kominn er smá litur á marengsinn. Kakan látin kólna og tekin úr frominu
Gott með: Þeyttum rjóma eða ís
Hunangi dreift yfir…. á hægri myndinni eru hindber bara á hálfri kökunni – gert fyrir gikkina á heimilinu
Marengs í vinnslu
Kakan getur verið smá mjúk – ef erfitt er að ná kökunni af er ágætt ráð að … rúlla annarri brúninni á bökunarpappírnum inn undir kökuna og renna henni þannig yfir á kökudiskinn
