Amerískar pönnukökur með bláberjum
Uppruni
Fyrir nokkru fékk ég svo góðar bláberjapönnsur í brunch hjá Áslaugu frænku minni. Hún notaði stór, fersk bláber og litaðist deigið lítið. Ég ákvað að prófa heima hjá mér og notaði frosin, lítil ber sem lituðu allt deigið – útgáfan hjá mér varð því aðeins meira blá en alveg eins góð.
Hráefni
- 2 bollar hveiti
- 1 msk lyftiduft
- ½ tsk salt
- 1 msk sykur
- 1 – 2 egg
- 1½ – 2 bollar mjólk
- 2 msk brætt smjör eða olía
- 1 bolli bláber
Verklýsing
- Þurrefnum blandað saman í skál
- Mjólk og egg sett út í þurrefnin og hrært kröfuglega saman
- Olíu og frosnum bláberjum blandað saman við
- Ef deigið er látið standa kemur skemmtilegur litur á það um leið og bláberin þiðna
- Pannan hituð – best að hafa meðalhita. Ef hitinn er of hár brenna pönnsurnar áður en þær ná að bakast í gegn. Best að láta þær bakast í 3 – 5 mínútur á fyrri hliðini og svo þurfa þær bara að vera örstutta stund á seinni hliðinni eða þar til kominn er fallegur litur
Meðlæti: Góðar með osti eða jarðarberjum, banana og hunangi – ekki spillir að setja smá rjóma með eða bara það sem hverjum og einum finnst gott
Pönnukökurnar með stórum ferskum berjum
