Kjúklingur með chili á austurlenska vísu
Uppruni
Það er alltaf gott þegar kjúklingaréttir rífa svolítið í og það á sérstaklega við þegar eldað er með chili. Þessi réttur fannst upphaflega í Fréttablaðinu og er vinsæll á heimilinu. Eins og oft áður hefur uppskriftin tekið breytingum og þess vegna er rétturinn settur hér inn.
Hráefni
- 1 bakki úrbeinuð kjúklingalæri
- 3 msk maizenamjöl
- 1 egg
- Salt og pipar
- 1 rauð papríka – skorin í litla bita
- 1 rauður ferskur chilipipar skorinn smátt (fræ mega vera með en því fleiri – þeim mun sterkari verður rétturinn)
- 1 dl Cashew hnetur
- 3 vorlaukar – skornir í litla bita
Sósa – (þeir sem vilja meiri sósu geta gert hana 1½ – tvöfalda)
- 4 msk sojasósa
- 1 tsk chiliflögur – þurrkaðar
- 3 pressuð hvítlauksrif
- 1 msk rifið ferskt engifer
- 3 msk hunang
- 1 – 2 tsk chilimauk (t.d. sambal oelek)
- 1 – 2 msk Sriracha Hot Chili sósa
Verklýsing
Kjöt
- Kjúklingalæri skorin í litla bita og sett í skál
- Egg sett yfir kjúklinginn ásamt maizenamjöli – saltað og piprað
- Hrært saman og látið standa í skálinni
Sósa
- Allt hráefnið sett í skál – hrært saman
Samsetning
- Olía sett á pönnu og hún hituð – kjúklingur steiktur þar til hann er steiktur í gegn
- Tekinn af pönnunni og settur í skál
- Papríka, hnetur og chili sett á heita pönnuna og steikt í stutta stund
- Kjúklingur settur aftur á pönnuna og sósunni hellt yfir – látið malla í stutta stund
- Rétturinn borinn fram á pönnunni eða settur í skál – ferskum vorlauk stráð yfir
Meðlæti:
Soðin hrísgrjón og/eða salat
Kjúklingur í vinnslu
Sósa í vinnslu
Samsetnng
