Hrökkkex sem gott er að narta í
Uppruni
Þetta hrökkkex er einfalt að baka og gott að eiga til að narta í. Bónusinn er að kexið er hollt og gott og auk þess ketóvænt.
Hráefni
- 3 dl sólblómafræ
- 1 dl hörfræ
- 1½ dl sesamfræ
- 2 dl graskersfræ
- 4 msk möndlumjöl
- 1 tsk saltflögur + auk þess til að strá saltflögum yfir
- 5 dl vatn
Verklýsing
- Öllum þurrefnum nema salti blandað saman í skál
- Vatn og salt sett í pott og hitað – saltið látið leysast upp
- Saltvatni blandað saman við þurrefnin – hrært í með sleikju
- Gott að láta blönduna jafna sig þannig að hún þykkni aðeins (má jafnvel standa í nokkrar klukkustundir)
- Ofninn hitaður í 160°C (blástursstilling)
- Deiginu skipt í tvennt og hvor hlutinn flattur út á milli tveggja bökunarpappíra
- Efri bökunarpappírinn tekinn af og saltflögum stráð yfir
- Sett í ofnskúffu og bakað í 30 mínútur. Hægt að baka báðar plöturnar í einu. Eftir 30 mínútur eru plöturnar teknar út og kexið brotið í minni bita. Bakað í 25 – 30 mínútur í viðbót. Það er jafnvel gott að snúa kexinu við þannig að það bakist vel báðum megin
- Hrökkkexið sett á grind og látið kólna
Geymsla: Geymist vel á þurrum stað