Stór og dúnmjúkur snúður bakaður í leirpotti

Auðveldur risasnúður bakaður í leirpotti

  • Servings: Magn/: 1 snúður
  • Difficulty: auðvelt
  • Print

Uppruni

Stundum er ekki tími til að baka heimsins bestu snúða – þá er þetta einfalda og fljótlega leiðin. Snúðinn má taka upp úr pottinum og skera eins og hverja aðra köku eða brauð – bara það sem hverjum og einum finnst best.

Leirpottur

Pottur (Hönnupottur) sem tekur u.þ.b. 1½ lítra passar mjög vel.

Hráefni

  • 2 tsk þurrger
  • 2½ dl mjólk
  • 60 g smjör
  • ½ tsk salt
  • 2 tsk vanllusykur
  • 5 – 6 dl hveiti

 

Fylling

  • Tæplega 1 msk kanill
  • Tæplega 1 dl sykur
  • 50 g smjör – við stofuhita
  • Egg til penslunar
  • Sykurskraut

Verklýsing

  1. Þurrger sett í skál
  2. Smjör brætt og mjólk hellt út í.  Yfirleitt er blandan mátulega heit þegar brædda smjörið og mjólkin hafa blandast saman.  Ef þarf að hita aðeins betur er mjög mikilvægt að hita blönduna ekki meira en 37°C (alls ekki hærra).  Hluta af blöndunni hellt í skálina með þurrgerinu og það látið leysast upp. Afgangi af mjólkurblöndunni hellt saman við.
  3. Salt og vanillusykur sett út í – hrært í með sleikju. Nokkrum dl af hveiti bætt við og blandað saman. Deigið hnoðað í lokin í hrærivél eða í höndunum – deigið á að vera þannig að hægt sé að snerta það án þess að það klístrist við fingurna – betra að hafa það aðeins blautara en of þurrt
  4. Klútur lagður yfir skálina og deigið látið hefast í 1 klukkustund á stað þar sem ekki er trekkur
  5. Ofninn stilltur á 225°C og leirpotturinn settur í ofninn
  6. Deigið tekið úr skálinni og lagt á hveitistráð borð. Flatt út með kökukefli í u.þ.b. 25 x 50 cm
  7. Fylling: Kanil og sykri blandað saman. Smjöri dreift yfir deigið (ef það er of hart er ágætt að setja það aðeins í örbylgjuofninn eða bræða það í potti)
  8. Kanilblöndunni stráð yfir og deigið rúllað upp. Rúllan skorin endilangt í tvennt (ekki alveg út að enda) og lengjurnar snúnar saman (eins og reipi). Í lokin er kaðlinum rúllað saman
  9. Deigið pennslað með pískuðu eggi og skreytt með sykurskrauti
  10. Snúðurinn settur í heitan pottinn og látinn bakast í 20 – 25 mínútur
  11.  Ágætt að taka lokið af aðeins áður til að fá fallegan lit – ekki víst að þess þurfi

 

Leave a Comment

Netfang þitt verður ekki birt. Nauðsynlegir reitir eru merktir *

*