Einföld súkkulaðiformkaka
Uppruni
Þessi kaka er stundum í eftirrétt hjá tengdamóður minni og er hún mjög vinsæl. Góð og einföld uppskrift sem hún fékk úr Gestgjafanum. Kakan er best nýbökuð en hún er líka fín daginn eftir.
Hráefni
- 100 g smjör
- 150 g púðursykur
- 80 g sykur
- 2 egg
- 2 tsk vanilludropar
- 500 g hveiti
- 70 g kakó
- ¼ tsk matarsódi
- 1 tsk lyftiduft
- 2½ dl mjólk
Verklýsing
- Ofninn hitaður í 175°C (blástur)
- Smjör, sykur og púðursykur hrært saman þar til blandan verður létt og ljós
- Eggjum og vanilludropum bætt út í – hrært áfram
- Hveiti, kakó, matarsódi og lyftiduft sigtað saman í hræruna
- Mjólk blandað saman við – hrært saman
- Deigið sett í ílangt smurt jólakökuform (20 cm langt) – bakað í neðstu rim í ofninum í 50 – 60 mínútur
Á vel með
Rjóma og jarðarberjum en kakan er líka góð ein og sér.