Sítrónuostakaka með bláberjahlaupi
Uppruni
Þessi uppskrift er tekin úr sænsku blaði.
Forvinna
Hægt er að útbúa sykraða sítrónubörkinn löngu áður og geyma í ísskáp. Kökuna má einnig laga töluvert áður en bláberjahlaupið er búið til.
Hráefni
Botn
- 100 g smjör
- 200 g digestive kex
Fylling
- 200 g rjómaostur
- 3 egg
- 2 dl strásykur
- 1 msk vanillusykur
- 2 lífrænar sítrónur – börkurinn rifinn
- 3 dl rjómi
Bláberjahlaup og skraut
- 2 blöð matarlím
- ¾ dl sykur
- ¾ dl vatn
- ½ dl safi af frystum bláberjum
- Bláber
- Sykraður sítrónubörkur – (sjá uppskrift Ýmislegt)
Verklýsing
Botn
- Fyrst er botninn bakaður
- Ofninn hitaður í 175°C
- Kexið mulið í matvinnsluvél eða morteli
- Smjör brætt í potti, kexmylsnu bætt við og hrært vel saman
- Blandan er sett í 24 cm springform (líka hægt að setja í litlar eldfastar skálar)
- Bakað í u.þ.b. 10 mínútur – látið kólna
Fylling
- Rjómi þeyttur og settur í skál
- Nota sömu skál og rjóminn var þeyttur í til að hræra saman rjómaosti, eggjarauðum, sykri, vanillusykri og sítrónuberki – rjómanum bætt varlega saman við
- Eggjahvítur þeyttar þar til þær verða léttar og hvítar – bætt varlega saman við blönduna
- Fyllingin sett ofan á bakaðan botninn, plast látið yfir og sett í frysti í lágmark 6 tíma
Bláberjahlaup og skreyting
- Hlaupið er búið til nokkrum tímum áður en kakan er borin fram
- Matarlímið er sett í kalt vatn í skál í a.m.k. 5 mínútur
- Sykur, vatn og safi úr bláberjum er soðið saman og tekið af hellunni
- Matarlímið kreist og sett í bláberjasafann – hrært og látið kólna í stofuhita
- Þegar safinn er orðinn eins viðkomu og eggjahvíta er honum hellt yfir fyllinguna. Ef hann er orðinn of stífur er ráð að hita hann aðeins aftur
- Sett í frysti í u.þ.b. 30 mínútur
- Kakan er skreytt með sykruðu sítrónuberki og bláberjum
Geymsla
Kakan geymist vel í kæli.
