Uppáhaldspylsuréttur barnanna
Uppruni
Erna Guðrún bjó þessa uppskrift til og er hún alltaf jafn vinsæl hjá börnunum. Gott að grípa til í tímahraki – ég tala nú ekki um ef soðin hrísgrjón leynast í ísskápnum.
Hráefni
- 1 laukur – má sleppa
- ½ -1 græn paprika
- ½ rauð paprika
- ½ – 1 tsk karrý (smekksatriði hvað mikið)
- Olía til steikingar
- 1 – 1½ reykt medistapylsa (fæst í loftþéttum umbúðum)
- 1 – 2 dl tómatsósa
- u. þ.b. 1 dl rjómaostur
- Vatn
- Soðin hrísgrjón
- Ferskt spínat … má sleppa
Verklýsing
- Hrísgrjón soðin (ef þau eru ekki til í ísskápnum)
- Saxaður laukur steiktur á meðalhita í olíu – karrýi dreift yfir
- Niðurskornar paprikur settar á pönnuna
- Pylsan skorin í teninga og bætt út í
- Tómatsósa og rjómaostur sett út í – hrært saman
- Lögg af vatni hellt á pönnuna og að lokum er soðnu hrísgrjónunum blandað saman við
- Látið malla aðeins á lægsta hita
Geymsla
Þetta geymist vel í kæli.
