Ostakaka bökuð í leirpotti

Marsipanostakaka með berjamauki

  • Servings: 5 - 6
  • Difficulty: meðal
  • Print

Uppruni

Þessi ostakaka er heimatilbúin og er gerð í einum af leirpottunum mínum. Einnig má nota eldfst mót með loki.  Þessi kaka er ekki eins sæt og ostakökur eru oft en mér finnst hún góð og skemmtileg tilbreyting.  Bragðið minnir mig á ,,småländska“ ostaköku sem ég fékk oft í Svíþjóð þegar ég var lítil. Hún er aðeins meira fullorðins – bragðið er bara þannig.

Forvinna

Best að baka kökuna daginn áður og láta hana standa í kæli yfir nótt.

 

Hráefni

 

Botn

  • 70 g smjör
  • 260 g Lulukex (einn pakki)

 

Fylling

  • 3 egg
  • 1 dós sýrður rjómi
  • 400 g rjómaostur – við stofuhita
  • ½ dl sykur
  • 1½ – 2 dl marsipan – rífinn fínt

 

Berjamauk – ofan á

  • 1½ – 2 dl ber t.d. bláber eða hindber
  • ½ dl sykur
  • 1 msk sítrónusafi
  • 1 msk maizenamjöl (má sleppa en þá verður maukið þynnra)

Verklýsing

Botn

  1. Kexið mulið og smjörið brætt . Blandað saman og sett í leirpott eða í botninn á eldföstu móti sem tekur rúmlega 1 litra af vökva. Geymt í kæli á meðan fyllingin er útbúin

 

Fylling

  1. Ofninn stilltur á 150°C (blástursstilling)
  2. Rjómaosti, sýrðum rjóma og sykri hrært saman í skál. Einu eggi bætt við í einu og hrært aðeins á milli. Marsipani blandað saman við í lokin með sleikju
  3. Blöndunni hellt í pottinn og lokið sett á – kakan látin bakast í 1½ klukkustund. Ágætt að athuga hvort þurfi að taka lokið af, þegar nokkrar mínútur eru eftir af bökunartíma, þannig að kakan fái smá lit
  4. Slökkt á ofninum og kökunni leyft að kólna aðeins þar
  5. Kakan sett í kæli yfir nótt – eða a.m.k. í 4 klukkustundir

Berjamauk ofan á

  1. Berin sett í pott ásamt sykri, sítrónusafa og maizenamjöli (má sleppa)
  2. Látið krauma á meðalhita og hrært í reglulega í nokkrar mínútur þar til maukið þykknar – látið kólna
  3. Berjamaukið sett yfir ostakökuna

 

Geymsla: Kakan geymist vel í kæli og er góð í nokkra daga eftir að hún er bökuð.

Meðlæti: Gott að bera fram með þeyttum rjóma en alls ekki nauðsynlegt.

Botninn gerður

Fylling í vinnslu  

Berjamauk í vinnslu

Leave a Comment

Netfang þitt verður ekki birt.

*