Skagenröra - sænskt rækjusalat
Uppruni
Ég fæ mér oft þennan rétt í Svíþjóð enda er hann vinsæll þar. Mér finnst hann bæði góður og svo skemmtilega sænskur. Oftast er skagenröra borið fram með ristuðu brauði en það er þó ekki heilagt.
Hráefni
- 350 – 400 g rækjur – þær verða safaríkari ef þær fá að þiðna yfir nótt í kæli (hafa í sigti svo að þær liggi ekki í vökvanum)
- 1 tsk þurrkað dill
- 1½ dl majónes
- 1 msk sítrónusafi
- 1 msk rauðlaukur – saxaður
- ½ msk piparrót – rifin fínt (má sleppa)
- Salt – á hvífsbroddi
- Aðeins af sinnepi (u.þ.b. ¼ tsk)
- 1 – 2 dropar tabascosósa
- Hrogn – má sleppa
Verklýsing
- Rækjur saxaðar gróft
- Annað hráefni hrært saman. Rækjur settar út í – blandað saman
- Borið fram með smörsteiktu eða ristuðu brauði og skreytt með dilli. Gaman að skreyta einnig aðeins með hrognum og sítrónusneið
